Safnfræðsla

Fræðslutilboð fyrir skóla- og frístundahópa

Bókið heimsóknir með góðum fyrirvara á Árbæjarsafn, Landnámssýninguna, Ljósmyndasafn, Sjóminjasafnið og Viðey í gegnum netfangið: safnfraedsla@reykjavik.is

Aðgangur er ókeypis fyrir hópa á öllum skólastigum og öllum aldri í skipulögðu frístundastarfi. 

Ókeypis rútutilboð fyrir leik- og grunnskóla Reykjavíkur í ákveðna dagskrá Sjóminjasafnsins í Reykjavík og á Árbæjarsafni.

Leikskóli
abs_jolamynd.jpg
Árbæjarsafn elsti árgangur

Senn koma jólin (frá 25. nóv. til 18. des.)

Hvernig voru jólin hjá krökkum í gamla daga? Íslensku jólasveinarnir og jólahald fyrr á árum er í brennidepli í desemberheimsókn. Undirbúningur fyrir jólin verður í fullum gangi! Tökum á móti bókunum frá og með 1. október. Rúta í boði fyrir leikskóla í Reykjavík.

Nánar
Árbæjarsafn: Föturnar hans Friðriks
Árbæjarsafn frístundastarf

Leikjafjör

Við bjóðum upp á fræðandi leiki fyrir hópa sem vilja njóta útiveru í einstöku umhverfi. Leikirnir eru þrír og henta mismunandi aldri: Litir og form fyrir 5 - 9 ára; Föturnar hans Friðriks fyrir 6 - 14 ára og Lífið án farsíma fyrir 11 - 14 ára. Einnig er hægt að aðlaga leikina fyrir ungt fólk og fullorðna.

Nánar
Komdu að leika
Árbæjarsafn leikskóli

Komdu að leika!

Hvað eiga leggur, skel og Baby-born dúkka sameiginlegt? Kynning á sögu leikfanga á tuttugustu öldinni og frjáls leiktími á stöðvum frá mismunandi tímum – allt frá árinu 1900 fram til okkar daga.

Nánar
Ljósmynd af dreng á sýningunni Dýrin leyndardómar landnámsins
Landnámssýning leikskóli

Komdu og skoðaðu landnámsdýrin

Fyrsta fólkið sem settist að á Íslandi kom með ýmislegt með sér frá sínum fyrri heimkynnum, þar á meðal húsdýr. Í heimsókninni er rætt um þessi húsdýr og hvernig hugsað var um þau? Einnig kenndir leikir er tengdust dýrunum.

Nánar
Fræðsla fyrir leikskóla
Ljósmyndasafn leikskóli

Hvað er sýning?

Hvernig ætli sýning sé búin til á ljósmyndasafni? Er ljósmyndasýning ólík öðrum sýningum t.d. leiksýningum? Æfum myndlestur og spjöllum um það sem fyrir augu ber. Upplagt sem fyrsta heimsókn á safn.

Nánar
Sjóminjasafnið - Óðinn
Sjóminjasafn Elsti árgangur

Alvöru varðskip!

Könnunarleiðangur um varðskipið Óðinn. Lærum um muninn á varðskipi og togara, trillu og skútu. Skemmtileg og skrítin orð sem eru notuð í tengslum við sjómennsku og skip. Kynnumst fólkinu sem starfaði um borð.

Nánar
Börn að leik í Sjóminjasafninu í Reykjavík
Sjóminjasafn leikskóli

Fagur fiskur í sjó

Lærum um fiska í sjónum, stóra sem smáa. Beitum skapandi nálgun til að skoða sýninguna Fiskur & Fólk og nýtum margmiðlun og leiki til þess að læra. Í heimsókninni eru börnin hvött til að taka virkan þátt með samtali og spurningum

Nánar
Að leik í Viðey
Viðey leikskóli

Fræðsluspjöld fyrir leikskóla

Í Viðey eru mörg útivistarsvæði, fjörur og listaverk. Eyjan er friðlýst svæði og hluti af heimsókninni er að læra að bera virðingu fyrir náttúrunni og gæta fyllst öryggis.Hægt er að fá lánuð fræðsluspjöld til innblásturs og stuðnings við heimsóknina.

Nánar
Grunnskóli
Fræðsla fyrir 1. - 2. bekk
Árbæjarsafn 1.- 2. bekkur

Kíkt í Koffortið + Komdu að leika!

Nemendum er boðið að skoða opna safngeymslu sem kallast Koffortið og uppgötva þar safngripi (gamla muni) og læra um þá í gegnum leik. Endað er á að skoða sýninguna Komdu að leika.

Nánar
Árbæjarsafn: Að þreyja þorrann
Árbæjarsafn 1.- 2. bekkur

Að þreyja þorrann (frá 25.jan til 21.feb)

Notaleg stund þar sem við ræðum hvernig var að búa við vetrarkulda og myrkur fyrir tíma rafmagns og nútímaþæginda. Við skoðum hluti sem tengjast matargerð í gamla daga, sérstaklega þorramat.

Nánar
® Roman Gerasymenko
Árbæjarsafn 3. - 4. bekkur

Verk að vinna

Heimsóknin er hugsuð sem vettvangsferð í tengslum við námsefnið Komdu og skoðaðu íslenska þjóðhætti til að kynnast lífinu í gamla bændasamfélaginu og sjávarþorpinu Reykjavík. Nemendur fá að vinna verk inni eða úti eftir árstíma til dæmis að kemba ull, sópa, finna eldivið eða bera vatn.

Nánar
arbaejarsafn_hjukrun_i_100_ar_opnunarmynd.jpg
Árbæjarsafn 3. - 4. bekkur

Hjúkrunarverk að vinna

Í tengslum við sýninguna Hjúkrun í 100 ár fá nemendur að kynnast starfi hjúkrunarfræðinga, sögu þess og þróun. Hjúkrunarbúningar eru skoðaðir og ýmis hjúkrunarverk prófuð t.d. að taka púls og binda fatla. Tímabundið fræðslutilboð!

Nánar
Fræðsla fyrir grunnskóla
Árbæjarsafn 5.-7.bekkur

Aðfangadagskvöld 1959 (25.nóv - 16.des)

Hugguleg jólaheimsókn þar sem við ræðum um jólahald og jólahefðir fyrir rúmri hálfri öld. Við skreytum jólatréð og tökum upp jólapakka eins og árið væri 1959. Tökum á móti bókunum frá og með 1. október. Rútur í boði fyrir grunnskóla Reykjavíkur.

Nánar
Árbæjarsafn - Neyzlan
Árbæjarsafn 7. - 10. bekkur

Neyzlan

Sýningin Neyzlan varpar ljósi á örar breytingar á neysluháttum á 20. öld. Markmið heimsóknarinnar er að beina sjónum að eigin neyslu, sóun og áhrifum mannsins á umhverfið. Nemendur vinna hópverkefni sem eflir skapandi og gagnrýna hugsun í afslöppuðu umhverfi.Rútur í boði fyrir grunnskóla Reykjavíkur.

Nánar
Tveir heimar
Árbæjarsafn 8. - 10. bekkur

HEIMAt - tveir heimar

Árið 1949 kom stór hópur þýskra kvenna til Íslands til að vinna á sveitabæjum. Á sýningunni eru ljósmyndir eftir Marzenu Skubatz þar sem saga og minningar núlifandi kvenna úr þessum hópi er í aðalhlutverki. Sýningin minnir á að alla daga er og hefur fólk verið að flytjast á milli landa í heiminum vegna óviðunandi aðstæðna. Athugið, sýningin stendur til 31. október 2019.

Nánar
Árbæjarsafn: Föturnar hans Friðriks
Árbæjarsafn frístundastarf

Leikjafjör

Við bjóðum upp á fræðandi leiki fyrir hópa sem vilja njóta útiveru í einstöku umhverfi. Leikirnir eru þrír og henta mismunandi aldri: Litir og form fyrir 5 - 9 ára; Föturnar hans Friðriks fyrir 6 - 14 ára og Lífið án farsíma fyrir 11 - 14 ára. Einnig er hægt að aðlaga leikina fyrir ungt fólk og fullorðna.

Nánar
Landnámssýningin
Landnámssýningin 1. - 3. bekkur

Lífið á landnámsöld

Hvað vitum við um líf og störf fólks á landnámsöld? Landnám Reykjavíkur og Íslands er skoðað út frá fornleifum sem hafa fundist m.a. verkfærum, skrautmunum, matarafgöngum og heilum húsum. Þannig fáum við betri skilning á lífinu fyrir 1000 árum.

Nánar
Siglum til Íslands
Landnámssýningin 4.–6. bekkur

Siglum til Íslands

Á landnámsöld fluttist norrænt fólk til Íslands og settist hér að. Flutningurinn yfir hafið var hvorki auðveldur né áhættulaus. Í heimsókninni verður fjallað um undirbúning og framkvæmd Íslandsfararinnar.

Nánar
Hvaðan komu íslendingar?
Landnámssýningin 8.–10.bekkur

Hvaðan komu Íslendingar?

Samkvæmt rannsóknum var Ísland upphaflega land innflytjenda. En hvaðan kom landnámsfólkið? Voru þetta allt heiðnir Norðmenn eða kom fólkið frá ólíkum menningarheimum? Í heimsókninni verður rætt um menningu, trú, þrælahald og viðhorf á víkingaöld.

Nánar
Landnámssýningin: Leikir í Kvosinni
Landnámssýningin frístundastarf

Krakkaleikir í kvosinni

Fræðumst um leiki í gamla daga og prófum! Hvernig lék fólk sér á nítjándu öld? Standast leikirnir tímans tönn? Starfsmaður tekur á móti hópnum utandyra, en leiksvæðið er miðbærinn, ýmsir vellir, garðar og torg. Athugið að þessi dagskrá krefst virkrar þátttöku og er háð veðri.

Nánar
Ljósmyndasafn - ©Nanna Debois Buhl
Ljósmyndasafn 1.-10. bekkur

Hvernig lesum við myndir?

Umfjöllunarefni heimsóknarinnar fer eftir sýningu hverju sinni með áherslu á myndlestur, túlkun og staðreyndir. Veltum fyrir okkur spurningum eins og: Höfðar myndin til mín? Hvaða tilfinningar kallar hún fram? Hefur myndin heimildargildi? Gefur hún okkur vísbendingar um raunveruleikann?

Nánar
Fræðsla
Ljósmyndasafn frístundastarf

Orð og mynd

Léttur leikur sem felst í því að skoða ljósmyndir og tengja orð eða hugtök við þær. Við rýnum í viðfangsefni myndanna og sjáum hvert myndlesturinn leiðir okkur. Einnig er hægt að aðlaga fræðsluna fyrir ungt fólk og fullorðna.

Nánar
Kids enyoing the Fish & folk - 150 years of fisheries exhibition
Sjóminjasafn 1. - 4. bekkur

Komdu og skoðaðu hafið!

Sýningin Fiskur & fólk er skoðuð og rætt um lífríki sjávar, mismunandi báta og skip ásamt störfum í fiskvinnslu. Heimsóknin tengist námsefninu Komdu og skoðaðu hafið sem er aðlagað sýningunni.

Nánar
Björgunarskipið Óðinn
Sjóminjasafn 1.– 4. bekkur

Björgunarskipið Óðinn

Rannsóknarferð um króka og kima um varðskipið Óðin sem var eitt helsta björgunarskip við Íslandsstrendur á sínum tíma. Förum yfir sögu skipsins, ólíkum hlutverkum sem áhöfnin sinnti í neyðartilvikum og förum stuttlega yfir sögu þorskastríðanna.

Nánar
Fræðsla fyrir 5. - 7. bekk
Sjóminjasafn 5.- 7. bekkur

Lífið um borð

Förum í varðskipið Óðinn og setjum okkur í spor áhafnarinnar. Nemendur fá einstakt tækifæri að klæðast búningum og kynnast ólíkum hlutverkum. Lærum jafnframt um sögu varðskipsins Óðins á göngu okkar um skipið. Áhersla lögð á umræður og þáttöku.

Nánar
Teiknað á hafsbotni
Sjóminjasafn 5.-10. bekkur

Kafað eftir fornleifum!

Hollenska skipið Mjaltastúlkan sökk fyrir rúmum 350 árum síðan. Á sýningunni Melckmeyt 1659 – fornleifarannsókn neðansjávar skoðum við gripi úr skipinu sem fundust á hafsbotni og kynnumst aðferðum fornleifafræðinnar á virkan hátt með aðstoð sýndarveruleika.

Nánar
Sjóminjasafn safnfræðsla leiðsögn
Sjóminjasafn 5.-7. bekkur

Þúsund þorskar á færibandi

Á sýningunni Fiskur & fólk er aflanum fylgt frá miðum í maga og skoðað hvernig hann er unninn. Nemendur kynnast starfi fiskvinnslufólks í Bæjarútgerðar Reykjavíkur sem áður var staðsett í safnhúsinu og vinna verkefni í hópum.

Nánar
Sjominjasafnid_grunnsyning.jpg
Sjóminjasafn 8. - 10. bekkur

Hvað er svona merkilegt við fiskveiðar?

Sýningin Fiskur & fólk er skoðuð út frá umhverfismálum. Nemendur vinna í hópum, beita sjálfstæðum vinnubrögðum og rýna í veiðiaðferðir fyrr og nú.

Nánar
Varðskipið Óðinn
Sjóminjasafn 8.–10. bekkur

Til hvers eru varðskip?

Gengið saman um varðskipið Óðinn, fjallað um hlutverk þess, sögu og þátttöku Íslands í þorskastríðunum. Fjallað ítarlega um hlutverk Óðins í deilunum sem og almenna sögu skipsins.

Nánar
Fiskur og fjör
Sjóminjasafn frístundastarf

Fiskur og fjör

Stuttur og léttur leiðangur um sýninguna Fiskur & fólk þar sem leiðbeinendur og krakkar vinna saman í hópum við að leysa þrautir. Í lok heimsóknar er upplagt að skoða hafnarsvæðið í Reykjavík með hjálp smáforritsins Minjaslóð.

Nánar
Varðskipið Óðinn
Sjóminjasafn frístundastarf

Varðskipið Óðinn

Könnunarleiðangur um króka og kima varðskipsins Óðins þar sem farið er yfir hlutverk þess og öryggi á sjó. Gengið um þilför skipsins þar sem við skoðum brú, káetur og messa.

Nánar
Viðey: Tillögur fyrir grunnskóla
Viðey

Fræðsluspjöld fyrir grunnskóla

Saga Viðeyjar og náttúra skapa ríkulegan jarðveg til fræðslu í ólíkum námsgreinum. Það er tilvalið fyrir 5. - 7. bekk að nýta sér fræðsluspjöld sem fjalla ýmist um sögu, náttúru eða list. Spjöldin eru staðsett í kassa við Viðeyjarkirkju.

Nánar
Framhaldsskóli
Árbæjarsafn að vori
Árbæjarsafn

Þorp og sveit í borginni

Á Árbæjarsafni er leitast við að gefa hugmynd um byggingalist og lifnaðarhætti í Reykjavík. Boðið er upp á sýningar og leiðsagnir, þar sem einstökum þáttum í sögu Reykjavíkur eru gerð skil. Kennarar geta nýtt sér sýningar safnsins í verkefnavinnu nemenda eða fengið leiðsögn með safnkennara um valdar sýningar og tiltekin hús. Við hvetjum kennara að hafa samband við fræðsluteymi safnsins við nánari útfærslu á heimsóknum og leiðsögnum.

Nánar
arbaejarsafn_likn.jpg
Árbæjarsafn

LÍKN – fjölnota fræðsluhús fyrir námskeið og nemendasýningar

Húsið Líkn er nýuppgert og á efri hæð þess er aðstaða fyrir ýmis námskeið og nemendasýningar í samstarfi við skóla og aðra aðila er tengjast starfsemi safnsins. Á neðri hæðinni er sýning um sögu ljósmyndunnar og ljósmyndastúdíó með búningum og fylgihlutum. Við hvetjum kennara til að ráðfæra sig við fræðsluteymi Borgarsögusafns um möguleika rýmisins.

Nánar
Tveir heimar
Árbæjarsafn

HEIMAt - tveir heimar

Árið 1949 kom stór hópur þýskra kvenna til Íslands til að vinna á sveitabæjum. Á sýningunni eru ljósmyndir eftir Marzenu Skubatz þar sem saga og minningar núlifandi kvenna úr þessum hópi er í aðalhlutverki. Sýningin minnir á að alla daga er og hefur fólk verið að flytjast á milli landa í heiminum vegna óviðunandi aðstæðna. Athugið, sýningin stendur til 31. október 2019.

Nánar
Landnámsskálinn frá 9. öld
Landnámssýningin

Líf og tilvera fyrstu íbúa Reykjavíkur

Þungamiðja Landnámssýningarinnar er rúst skála frá 10. öld sem fannst árið 2001 og er varðveitt á sínum upphaflega stað. Reynt er að gefa hugmynd um líf og umhverfi Reykjavíkur eins og það var við landnám. Efni sýningarinnar byggir á niðurstöðum fornleifarannsókna og kynna túlkanir fræðimanna á þessu tímabili sögunnar. Við hvetjum kennara að ráðfæra sig við fræðsluteymi Borgarsögusafns við útfærslu og bókun heimsókna.

Nánar
Ljósmyndasafn - ©Nanna Debois Buhl
Ljósmyndasafn

Stefnumót - Norræn ljósmyndun út fyrir landamæri

Sýningin snertir á málum sem eru ofarlega á baugi í samfélagslegri umræðu í dag; fólksflutningar, menningartengsl og staðbundnar/hnattrænar breytingar. Hún er útkoma samvinnu fimm sýningarstjóra og jafnmargra ljósmyndara/listamanna frá Norðurlöndunum.

Nánar
Sjóminjasafnið og Varðskipið Óðinn standa við höfnina
Sjóminjasafn

Varðskipið Óðinn: Björgun og barátta

Bjóðum upp á klukkustundarleiðsögn um borð í varðskipinu Óðni, en skipið tók þátt í þorskastríðunum gegn bretum á 20. öld. Í leiðsögninni er bæði rætt um þorskastríðin og björgunarsögu skipsins.

Nánar
Sjominjasafnid_grunnsyning.jpg
Sjóminjasafn

Fiskur og fólk: sjósókn í 150 ár

Sýningin fjallar um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000. Þessi margslungna saga er sögð frá sjónarhóli stærsta útgerðarbæjar landsins, Reykjavíkur. Bjóðum upp á leiðsagnir um sýninguna.

Nánar
Háskóli
Árbæjarsafn að vori
Árbæjarsafn

Þorp og sveit í borginni

Á Árbæjarsafni er leitast við að gefa hugmynd um byggingalist og lifnaðarhætti í Reykjavík. Boðið er upp á sýningar og leiðsagnir, þar sem einstökum þáttum í sögu Reykjavíkur eru gerð skil. Kennarar geta nýtt sér sýningar safnsins í verkefnavinnu nemenda eða fengið leiðsögn með safnkennara um valdar sýningar og tiltekin hús. Við hvetjum kennara að hafa samband við fræðsluteymi safnsins við nánari útfærslu á heimsóknum og leiðsögnum.

Nánar
Landnámsskálinn frá 9. öld
Landnámssýningin

Líf og tilvera fyrstu íbúa Reykjavíkur

Þungamiðja Landnámssýningarinnar er rúst skála frá 10. öld sem fannst árið 2001 og er varðveitt á sínum upphaflega stað. Reynt er að gefa hugmynd um líf og umhverfi Reykjavíkur eins og það var við landnám. Efni sýningarinnar byggir á niðurstöðum fornleifarannsókna og kynna túlkanir fræðimanna á þessu tímabili sögunnar. Við hvetjum kennara að ráðfæra sig við fræðsluteymi Borgarsögusafns við útfærslu og bókun heimsókna.

Nánar
Ljósmyndasafn - ©Nanna Debois Buhl
Ljósmyndasafn

Stefnumót - Norræn ljósmyndun út fyrir landamæri

Sýningin snertir á málum sem eru ofarlega á baugi í samfélagslegri umræðu í dag; fólksflutningar, menningartengsl og staðbundnar/hnattrænar breytingar. Hún er útkoma samvinnu fimm sýningarstjóra og jafnmargra ljósmyndara/listamanna frá Norðurlöndunum.

Nánar
Sjóminjasafnið og Varðskipið Óðinn standa við höfnina
Sjóminjasafn

Varðskipið Óðinn: Björgun og barátta

Bjóðum upp á klukkustundarleiðsögn um borð í varðskipinu Óðni, en skipið tók þátt í þorskastríðunum gegn bretum á 20. öld. Í leiðsögninni er bæði rætt um þorskastríðin og björgunarsögu skipsins.

Nánar
Sjominjasafnid_grunnsyning.jpg
Sjóminjasafn

Fiskur og fólk: sjósókn í 150 ár

Sýningin fjallar um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000. Þessi margslungna saga er sögð frá sjónarhóli stærsta útgerðarbæjar landsins, Reykjavíkur. Bjóðum upp á leiðsagnir um sýninguna.

Nánar