25.08.2017

Fræðsluspjöld fyrir grunnskóla

Saga Viðeyjar og náttúra skapa ríkulegan jarðveg til fræðslu í ólíkum námsgreinum. Tilvalið fyrir 5. - 7. bekk að nýta sér fræðsluspjöldin sem eru með þrjú umfjöllunarefni: saga, náttúra og list. Spjöldin eru staðsett í kassa við Viðeyjarkirkju.

viðey_tunid_1620x1080.jpg

Markmið heimsóknar

Viðey er tilvalinn staður til útiveru, listupplifunar, útikennslu og til að brjóta skólastarfið upp að vori eða hausti. Eyjan er samofin sögu Reykjavíkur og þéttbýlismyndunar á Íslandi auk þess að þar er mikið fuglalíf og skemmtilegar fjörur. Listaverkin í Viðey gefa tækifæri til að staldra við og horfa gaumgæfilega á umhverfið í kring og heimsókn í eyjuna má auðveldlega nýta sem innblástur til sköpunar.

 

Aðstaða:

Nestis- og salernisaðstaða er á þremur stöðum í eynni:

Hesthúsið er nestisaðstaða sem er staðsett fyrir aftan Viðeyjarstofu. Þar er kolagrill sem gestum er frjálst að nota auk salernis og leiksvæðis skammt frá.

Viðeyjarnaust er aðstaða fyrir stærri hópa ásamt kolagrilli og salernisaðstöðu.

Skólahúsið er í austurhluta eyjunnar. Þar er hægt að setjast inn og borða nesti. Þar er kolagrill sem gestum er frjálst að nota auk salernis.

 

Gott er að hafa nesti í bakpoka því hópar bera sjálfir ábyrgð á að flytja nesti og vistir í eyjunni. Til að nýta grillaðstöðuna, þarf að hafa með allt sem þarf til grillsins, þ.e.a.s. allan mat og meðlæti, kol, olíu, eldfæri, grilltangir, ruslapoka, diska, glös og þess háttar.

Nauðsynlegt er að klæða sig eftir veðri og hafa í huga að hvassara getur verið í eynni en á landi. Best er að gera ráð fyrir að dvelja þar nokkrar klukkustundir.

Kort af Viðey ásamt ýmsu ítarefni um byggingar, sögu, náttúru og list í Viðey má nálgast hér:  http://borgarsogusafn.is/is/videy/um-videy

Eyjan er ekki hættulaus staður. Þar er að finna kletta, skurði og tjarnir sem geta verið varhugaverð. Við bendum á að börn eru á ábyrgð forráðamanna.

Fræðsluspjöld
Fræðsluspjöld fyrir miðstig grunnskóla

Bókanir:

Við mælum með því að kennarar ráðfæri sig með góðum fyrirvara við fræðsluteymi Borgarsögusafns til að útfæra heimsóknir að vori eða hausti.

Miðstig grunnskóla: Ævintýraeyjan – Fræðsluspjöld: Við komuna í Viðey er hægt að fá lánuð fræðsluspjöld um ævintýraeyjuna sem er ætlað að veita innblástur og stuðning í heimsókn til eyjarinnar. Spjöldin er að finna í merktum kassa við vegamótin þegar gengið hefur verið framhjá Viðeyjarkirkju.

Skoðið fræðsluspjöldin á pdf formi hér:   Fræðsluspjöld fyrir miðstig

Hópar á öðrum skólastigum rannsaka og upplifa ævintýraeyjuna á eigin vegum.

 

Viðeyjarferjan: 

Bóka þarf  ferjuferðir hjá Eldingu. Rekstrarstjóri Viðeyjarferða hjá Eldingu er Guðlaugur Ottesen, net­fang: gulli@elding.is

Siglt er út í eyju alla virka daga frá 15. maí til 15. september. Skólahópar greiða í ferjuna skv. gjaldskrá Eldingar. Ekkert gjald er tekið fyrir 6 ára og yngri. 

 

 

Nánari upplýsingar og bókanir: safnfraedsla@reykjavik.is

Upplýsingar

Upplýsingar

Viðey

104 Reykjavík

Sími: (+354) 411 6360

Sími: (+354) 533 5055

Almennar fyrirspurnir

Viðey - Borgarsögusafn

Ferjan

Viðeyjarstofa

Skólaheimsóknir

safnfraedsla@reykjavik.is

Opið

Opið

Sumar

15. maí - 30. sept. daglega.

Fyrsta sigling til Viðeyjar 10:15. Síðasta sigling frá Viðey 18:30.

Vetur

1. okt - 14.maí. Einungis siglt um helgar. Fyrsta sigling til Viðeyjar 13:15. Síðasta sigling frá Viðey 16:30.

Aðgangseyrir

Aðgangseyrir í ferjuna

Fullorðnir

1.600 kr.

67 ára+ og öryrkjar

1.450 kr.

Nemendur

1.450 kr.

Börn 7 - 17 ára

800 kr.

Börn 0 - 6 ára

Ókeypis

Handhafar Menningarkorts Reykjavíkur

10% afsláttur

Verðlistinn gildir til 14. maí 2020

Skráðu þig á póstlista Viðey

Við sendum þér upplýsingar um viðburði, tilboð og fleira skemmtilegt.