Borg­ar­sögu­safn
Sagan okkar

Komdu og leitaðu að litlu gulu kisunni! Á Landnámssýningunni í Aðalstræti býr forvitin lítil gul kisa sem elskar að skoða sig um. Hún klifrar, felur sig og heimsækir alla króka og kima sýningarinnar. Fylgstu vel með og reyndu að finna hana á leiðinni. Kannski finnur þú líka hvar hún á heima! 🐾✨ 🍂 Viðburðurinn er hluti af haustfrísdagskrá Borgarsögusafns. Frítt er inn á alla sýningarstaði safnsins fyrir fullorðna í fylgd barna dagana 22.-26. október.

Leiðsögumaður fer með gesti í öll helstu hús Árbæjarsafns og segir frá sögu þeirra. Leiðsögnin fer að mestu fram á ensku og tekur rúma klukkastund.

Verið velkomin í leiðsögn um borð í hinu sögufræga Varðskipi Óðni. Leiðsagnirnar fara fram á hverjum degi kl. 13, 14 og 15 frá 1. mars til 31. október. Í leiðsögninni eru þorskastríðin og björgunarsaga skipsins eru í brennidepli.

Á hvað eru krakkarnir á myndinni að horfa? Komdu og skoðaðu myndina á sýningu safnsins. Teiknaðu mynd af því sem þú heldur að hafi verið að gerast fyrir utan myndarammann. Láttu hugmyndaflugið ráða för í skapandi teiknismiðju. Smiðjan er opin og sveigjanleg – komið þegar ykkur hentar og takið þátt á ykkar hraða 🔎 Ljósmyndasafnið er opið mánudaga-fimmtudaga 10:00-18:00, föstudaga 11:00-18:00 og um helgar 13:00-17:00 🍂Viðburðurinn er hluti af haustfrísdagskrá Borgarsögusafns. Frítt er inn á alla sýningarstaði safnsins fyrir fullorðna í fylgd barna dagana 22.-26. október.

Siglum um hafið bláa! Á Landnámssýningunni í Aðalstræti leggjum við úr höfn með sköpunarkraftinn að leiðarljósi. Í bátasmiðjunni geturðu hannað og smíðað þinn eigin draumabát, hvort sem hann er lítill eða stór, litríkur eða algerlega óhefðbundinn. Komdu og taktu þátt í sjóferð þar sem ímyndunaraflið ræður för! ⛵✨ 🍂 Viðburðurinn er hluti af haustfrísdagskrá Borgarsögusafns. Frítt er inn á alla sýningarstaði safnsins fyrir fullorðna í fylgd barna dagana 22.-26. október

Verið velkomin á opnun sýningarinnar Vatn í Skotinu á Ljósmyndasafni Reykjavíkur föstudaginn 6. nóvember kl. 16-18. Veitingar í boði. Vatn nefnist sjöunda sýning félaga úr Fókus félagi áhugaljósmyndara sem mun taka yfir sýningarrýmið SKOTIÐ árið 2026. Sýningin er jafnframt lokasýning ársins á vegum Fókus. Á Vísindavef Háskóla Íslands er að finna eftirfarandi skýringu á því hvað er vatn: „Vatnið er í samfelldri hringrás: það gufar upp úr sjónum á suðlægari breiddargráðum, berst inn yfir landið þar sem það þéttist og fellur til jarðar, streymir aftur til sjávar í vatnsföllum eða berst niður í berggrunninn sem grunnvatn - og þaðan til sjávar aftur með tímanum.” Á þessari sýningu sjáum við ljósmyndara fanga ýmiss konar birtingarmyndir vatnsins bæði í föstu og fljótandi formi. Þar sem það lemur ströndina, flæðir til hafs eða er í föstu formi og bíður geisla sólar til að leysa sig úr fjötrum. Sýnendur eru: ● Arngrímur Blöndahl ● Brynja Jóhannsdóttir ● Finnur P Fróðason ● Jóhann Guðni Reynisson ● Jóhanna Ingimundardóttir ● Lárus St. Guðmundsson ● Sigríður Jóna Kjartansdóttir